Thursday, July 28, 2011

任劍輝、白雪仙 - 唐伯虎戲秋香




任劍輝、白雪仙 - 唐伯虎戲秋香

(唐白)小姐,拜神呀?真係神心啦,拜得神多自有神庇佑啱嘛,小姐,妳真係靚嘅啫,小姐, 點解唔出聲啊?

(唐)求神,求神,誠心禮佛來求靈神,
同小姐妳三生有幸,同小姐妳成為情人,好心嬌賜妳憐憫。

(秋)勸你說話慬慎,嬌花休想過問,
喂,勸你要立品行,快跪開咪再黐身。

(唐)小生熱情太甚,初相見心中意愛玉人,
我初初學人去蜜運,喂,省我嘅貓面太無癮。

(秋)衰人講嘢令我憎 ,所作所為認真下品,
(唐)點算下品啫?我有心求鳳引架,觀音妳應動慈善嘅心架,
(秋)觀音,實無令咁多壞人立錯心,
(唐)觀世音都有救苦救難心嘅,
(秋)你乞我憎 ,面懵挾牙痕,
(唐)嘻! 我生性風流,喂,我還未結婚,
(秋)喂,你自量吓,係乜嘢人,你個貓樣生成,會有人共結婚咩?
(唐)我著名貌美,同姑娘合襯
(秋)啋! 咪嚟悶我,你悶人悶到忟嘅,
(唐)意求共妳做對有情人,
(秋)呀,你個衰人,邊一個同你相親?

(唐)妳隻高竇嘅貓兒,許配呢個痴人,最合襯,
(秋)你可謂瘋狂傻戇呻呀,
(唐)鬼叫妳風騷又嬌嗲,而且態度咁天真,
(秋)唔該你咪立壞個心啦,我有我拜神,
你做乜將人糊混,
(唐)一定拜神求婚嬪呢 !
(秋)你下流賤格,真係正一衰人,你做鬼都好過做人,
(唐)就算死落黃泉,魂魄都追隨妳左近,
(秋)我睇閻羅王都唔肯,要你落十八層地獄,等你做隻地府嘅寃魂呀,
(唐白)咁就笑話啦。

1 comment: