Friday, April 22, 2011

新馬師曾、吳君麗 - 萬惡淫為首(乞食)


新馬師曾、吳君麗 - 萬惡淫為首(乞食)

唉﹗冷得我騰騰震,真係震到入心,心酸我仲發緊冷咯,乜好似腳軟難行,乜點解行行又似覺,好似身不穩,點揾得個各位善長仁翁,希望佢做一點好心,唉﹗心傷嗟怨,不幸逢絕運呀,虧我運蹇時歪,都不幸作了盲人,(拉龍舟腔過長序)。

(白)唉好心啦大姑﹗施捨下啦大姑﹗(接) 唉﹗正係人逢絕境,都一定多哀感,我自己感懷身世,都本想去自輕生,一個人生生死死本係無足恨﹐恨我心頭仍掛我有位老父未歸臨﹐我記得佢臨行佢仲對住我,仲諄諄訓﹐訓示話攬過床頭都算父母恩﹐恩恩怨怨不敢把我娘記恨﹐恨佢恩將仇報﹐(轉乙反二王) 知我者惟有三呎嘅靈神。

(流水行雲) 正係神鑒諒我心暗自告稟,哎也天公得許父相見,我話過今生死無怨憾,自甘委屈,我自甘身作墮落人,呢佢對我雖黑心,知我對佢真恩深,願爹媽兩相印,願爹媽休怒憤,我就為求庇蔭,我就為求庇蔭,今日誤我呢一世,禍起只為係淫,自嗟暗自還帶恨。

(收掘叫白)福心呢﹗好心呢﹗(襯序) 可憐下呢個盲眼乞兒仔喇﹗真飢餓咯﹗又淒涼呀呢﹗少奶有乜冷飯菜汁施捨吓呢﹗(轉木蘭從軍小曲) 邊個好心啦?打救呢個盲人,褔心更善心,救苦又救貧,望求做點好心,打救我貧共困,保佑你地生意滔滔,一本賺萬金,保佑你長年富貴,都越捨還仲有,我自嘆今生不幸,真感激各位大貴人。

(惡狗咬人介) (楚雲白) 乳娘呀,你快的救嗰個乞兒仔啦,嗰隻狗就嚟咬死佢喇,快的啦,(乳娘白) 得喇,得喇,衰狗,病狗,想攞人命咩?(楚雲白) 咦﹗乳娘呀,個乞兒仔係陳公子嚟㗎﹗(乳娘白) 係咩?咁快的叫醒佢先至講啦,(楚雲白) 哦﹗(推介白) 陳公子,陳公子,(子年白) 你係邊個呀?你係邊個呀?(楚雲白) 乜你唔認得我咩?(子年白) 小姐,我盲㗎,我睇唔到㗎我﹗(楚雲白) 吓﹗你係盲嘅?(子年白) 我盲㗎﹗(乳娘白) 呢位就係你嘅未婚妻曾楚雲小姐吖嘛﹗(子年白) 啊﹗ 我未婚妻曾楚雲。(哭相思) 小姐,點解你又會走到嚟呢度㗎小姐。(楚雲白) 你唔好喊,聽我講。(子年白) 你做咩嘢事得㗎?(楚雲白) 因為我亞爹要我另嫁他人﹐所以我同乳娘一齊出走﹐一心嚟到揾你個咯﹗(子年白) 揾我呀﹗(哭介) (楚雲白) 咦﹗你做乜喊得㗎?吓?(子年白) 無嘢。

(楚雲起小曲拷紅唱) 公子呀,你為何淚滿痕,奴奴願意共你謀自奮,真心相愛,又豈相分,縱使如何共郎丐食,願捱苦心相印。(白) 你唔好喊啦公子,(子年唱) 聽嬌卿真心可感,既難成就將婚另嬪,只為今生我已作盲人,點忍再誤婚?嘆此身似孤雁離群,愁無能將嬌護蔭,應該早歸去,免令人久等。(楚雲唱) 我既負盟﹐點解我共乳娘出走了將郎尋﹐我並無話嫌棄﹐拋君你,竟作咁狠心,敢對君永不相分,生死同衾。(子年唱) 玉人愛,愧未能接受婚嬪,多添苦困,今生總算我負了恩,更負了心,休再為我傷神。

No comments:

Post a Comment