Thursday, December 30, 2010

Thursday, December 16, 2010

禪院鐘聲


小神鷹 - 禪院鐘聲

雲寒雨冷,寂寥夜半景色淒清,
荒山悄靜,依稀隱約佛堂頌經,
鐘聲驚破夢更難成。

是誰令我愁懷怨,唉悲莫聽,
情如泡影,鴛鴦夢,三生約,
何堪追認,舊愛一朝斷,
傷心哀我負愛抱恨決心逃情。

寺院宵宵嘆孤影,
仿似悼語哀聲泣血夜半鳴,
隱居隔絕嶺,菩提伴我苦敲經,
塵凡世俗那堪復聽,情似煙輕,
禪心修佛性,夢幻已一朝醒。

情根愛根,恨根怨根,春花怕賦詠,
情絲愛絲,愁絲怨絲,秋月怕留情,
情心早化灰,禪心經潔淨。

為愛為情恨似病,對花對月懷前程,
徒追憶,花月證,
情人負我,你變心負約太不應,
相知當初枉心傾,怨句妹妹你太薄倖,
禪院鐘聲,深宵獨聽,
令我抱恨惆悵淚盈盈。


麗莎 - 禪院鐘聲
作曲:崔蔚林
作詞:鄭錦昌

雲寒雨冷,寂寥夜半景色淒清,
荒山悄靜,依稀隱約佛堂頌經,
鐘聲驚破夢更難成。

是誰令我愁難罄,悲莫罄,
情如泡影,鴛鴦夢,三生約,
何堪追認,舊愛一朝斷,
傷心哀我負愛抱恨決心逃情。

禪院宵宵嘆孤影,
仿似悼語哀聲泣血夜半鳴,
隱孤隔絕嶺,菩提伴我苦敲經,
塵凡世俗那堪復聽,情似煙輕,
禪心修佛性,夢幻已一朝醒。

情根愛根,恨根怨根,春花怕賦詠,
情絲愛絲,愁絲怨絲,秋月怕留情,
情心早化灰,禪心經潔淨。

為愛為情恨似病,對花對月懷前程,
徒追憶,花月證,
郎情負我,變心負約太不應,
相知當初枉心傾,錯托終身怨薄命,
禪院鐘聲,深宵獨聽,
令我惹恨惆悵淚盈盈。


張偉文 - 禪院鐘聲

雲寒雨冷,寂寥夜半景色淒清,
荒山悄靜,依稀隱約佛堂頌經,
鐘聲驚破夢更難成。

是誰令我愁難罄,悲莫罄,
情如泡影,鴛鴦夢,三生約,
何堪追認,舊愛一朝斷,
傷心哀我負愛抱恨決心逃情。

禪院蕭蕭嘆孤影,
仿似悼語哀聲泣血夜半鳴,
隱居澗絕嶺,菩提伴我苦敲經,
凡塵世俗那堪復聽,情似煙輕,
禪心修佛性,夢幻已一朝醒。

情根愛根,恨根怨根,春花怕賦詠,
情絲愛絲,愁絲怨絲,秋月怕留情,
情心早化灰,禪心經潔淨。

為愛為情恨似病,對花對月懷前程,
徒追憶,花月證,
郎人負我,你變心負約太不應,
相知當初枉心傾,怨句妹妹你太薄倖,
禪院鐘聲,深宵獨聽,
夜半有恨人已淚盈盈。

Tuesday, December 7, 2010

Sunday, November 28, 2010

葉幼琪、蔣文端 - 一曲鳳求凰


葉幼琪、蔣文端 - 一曲鳳求凰 (上)


葉幼琪、蔣文端 - 一曲鳳求凰 (中)


葉幼琪、蔣文端 - 一曲鳳求凰 (下)

Monday, November 15, 2010

梁醒波、鳳凰女 - 光棍姻缘


梁醒波、鳳凰女 - 光棍姻缘 (1/2)


丑唱:擔番口大雪茄咋,充生哂認經理噃,撈世界要醒目,一於當玩把戲之嘛,著起西裝,革履,USA 歐西美,我實在無乜聲氣咋噃,時常係靠滾,全憑去棍返嚟,剛啱有隻大鷓鴣,嘩,肥就確係肥,佢今晚仲約咗我去睇大戲。所以我拋磚引玉,好多八寶至度得咋,嗰幾雞啫。希望財色兼收,寧願在劇院門前罰企喺喇。咦咦咦,乜咁耐都未嚟㗎喂?

旦唱:老襯何妨要多㩒,我都好少理,猛拋生藕,係都要揾便宜,近日有隻肥羊,佢話住晌跑馬地喎,佢話佢晌銀行,係自己揸大旗。做光棍都無非為把親娘養活,希望斬到啲老襯鮮血淋漓,多多少少都無相干,總求天天都要發市。

丑白:哈佬,MISS 露絲,乜而家至嚟呀,陰功咯,做乜珊珊來遲呀,你難為我頸都望到長,企到腳都痺喇。

旦白:係咩?哎吔真係對唔住喇陳經理,我都唔想去睇戲啦,不如,你陪我去百貨公司啦。

丑白:呀,去公司係嗎,唔,第日至去啦不如,今日機會難逢,今晚呢齣特別係好戲嚟㗎。

旦白:哎吔你睇吓人地場場都滿座㗎,呀,唔啱我搵阿王仔同我哋買幾條黑市飛啦好嗎?

丑白:好呀,好呀,我度有錢,等我,等我,等我吓。

丑唱:呢度啱啱有八個銀錢,兩張超等都有多餘。

旦唱:咁你企晌處等一陣間啦,我買到就番嚟搵你㗎啦。

丑白:快啲啦吓。

旦白:等我囉噃,等我囉噃吓。

丑白:咦,乜四點㗎啦,係啦,乜咁呀喂?

丑唱:係啦乜佢去如黃鶴,足足罰咗我企幾小時囉噃。敝啦,唔通呢帳光棍遇著無皮柴,唔得,等我週圍去搵吓佢去咗邊一處咋。

丑白:哦,露絲你番嚟啦?

旦白:你叫邊一個呀?邊個識得你呀?

丑白:喂,老虎頭上你敢釘蝨乸係嘛?精嘅你就快啲回水囉噃。

旦白:真係笑話喇,乜回回聲咁大膽呀。

丑唱:哎吔吔你真係膽大包天,居然做鱷魚蝨乸係嘛?呢帳量你插翼都難飛,若果我吹銀雞...

旦白:拉我囉噃?

丑白:駛乜講

丑唱:一經嗌起啲差人,就要將你當堂鎖起,

旦白:我又信呀

丑唱:你係無皮柴,呢趟你當堂撞特喇掛,精你就快啲回番嗰八皮囉噃,

旦白:笑話

丑唱:你對住老行尊,你都夠膽嚟偷雞,同你講多都嫌哂聲壞氣,真正係行行衰運,老鼠食老鼠,點知義氣博到兒嬉,今帳索錯油,誰料你不問良心,將我當堂一谷就驍起,而家拆穿咗你個西洋鏡囉噃,好喇,你就有柴有米囉噃,難為我要抵制嗰個肚皮喇,喂,精你就快啲回番水過嚟,否則我叫人拉你個噃。

旦白:咪住咋

旦唱:卻原來你係冒牌經理,無非打腫塊面學人肥

丑白:仲咁抵死係嘛

旦續唱:我冒充交際花,無非因家境困難,至有幹此欺人把戲,我本是好女兒,只為家貧親老,全賴我棍騙療饑,

丑白:慘啦我

旦續唱:記得甫逢君,見你衣服豪華,惹起我垂涎嚟光顧你㗎咋,估話遇財神,我仲叮嚀密約,向你賣盡生藕橫飛,豈料係同行,(待續)


梁醒波、鳳凰女 - 光棍姻缘 (2/2)


(續)向你賣盡生藕橫飛,豈料係同行,光棍遇著無皮柴,誰知你係個青磚沙梨,現在銀紙都花清,只換得松柴白米咋,怎能合浦還珠,嗱,如果你吊起個沙煲...

丑白:點呀?

旦續唱:你至多跟埋我番屋企,人類貴同情,不忍你捱飢餓,等我救濟你個肚皮。

丑白:喂,係唔係呀?係就好囉!

丑唱:你真係良心不欺,你良心不欺,喂行家真知己,

旦唱:咁我又何必相欺,何必相欺,做行家總要通通氣㗎嘛。

丑唱:係頂啦,撞特真正哂心機

旦唱:喂,棍騙本來係犯法事

丑白:犯法

丑唱:回頭就不幹,結知己

旦唱:大家結相知,

丑唱:莫非你對我有真情義

旦唱:與你共諧鴛侶,要你同我畫眼眉

丑唱:好囉,艷福飛來心歡喜,自心改過當及時,阿露絲呀,我哋一於大家轉行,永遠都唔做呢啲欺人生意。

旦唱:光棍姻缘成美眷

丑唱:我哋一於明年增加生產

旦白:咩叫做增加生產啫?

丑白:哦,乜你咁都唔明白?

旦白:唔明呀

丑唱:我就係想你共我生個 BB 丫嘛。

Saturday, October 9, 2010

羅家英、李香琴 - 胡不歸之慰妻

羅家英、李香琴 - 胡不歸之慰妻 (上)
粵曲小曲流行曲演唱會

羅家英、李香琴 - 胡不歸之慰妻 (下)
粵曲小曲流行曲演唱會

Tuesday, October 5, 2010

粵劇 《搜書院》


粵劇 《搜書院》 01 - 馬師曾、紅線女


粵劇 《搜書院》 02 - 馬師曾、紅線女 (拾筝结缘 / 初遇訴情)


粵劇 《搜書院》 03 - 馬師曾、紅線女


粵劇 《搜書院》 04 - 馬師曾、紅線女 (柴房自嘆)


粵劇 《搜書院》 05 - 馬師曾、紅線女


粵劇 《搜書院》 06 - 馬師曾、紅線女 (步月抒懷)


粵劇 《搜書院》 07 - 馬師曾、紅線女


粵劇 《搜書院》 08 - 馬師曾、紅線女


粵劇 《搜書院》 09 - 馬師曾、紅線女


粵劇 《搜書院》 10 - 馬師曾、紅線女


粵劇 《搜書院》 11 - 馬師曾、紅線女


粵劇 《搜書院》 12 - 馬師曾、紅線女 (鎮台搜院)


粵劇 《搜書院》 13 - 馬師曾、紅線女


粵劇 《搜書院》 14 - 馬師曾、紅線女 (比翼雙飛)

Saturday, October 2, 2010

梁醒波 - 釣魚郎

梁醒波 - 釣魚郎 (24:46)

我士砵恤衫的確係夠 good,短褲輕鬆未算得話闊,我個相頭又士「嘜」兼夾活潑,坐住架勃勃勃,辣撻的就抹。抹到佢不染一塵,然後排場,至夠闊。得快活時應快活,及時行樂幾咁 very good。

帶備威士忌與紅砵,今日做釣魚郎,車到海灣,渡週末。嘻嘻,人釣魚,我釣魚,我用果的魚餌特別唔同人果噃。嗱,我一不用蝦公,二不用沙蟲,三不用浮筒,咁有人問我,你唔用呢幾種,用乜呀?乜嘢叫做浮筒呢,哦,浮筒即係生魷魚仔啦,哦,喂你用的乜嘢呀?嗱聽住啦老友~

講到我果啲釣魚餌,我第一用胭脂,唇膏,香粉三樣不離,第二我專門用銀紙,第三我講出你更覺重兒嬉,我磨定嗰的硃砂,搵定張黃紙,寫住虛榮兩個字,你話幾咁出奇呀奇。

奇乜嘢啫,我話啲咁多都無奇呀,咁重話唔奇,唔奇!呢個世界,樣樣都講新發明呀嘛。呢即如,未有原子彈出嗰陣,你哋梗係唔信有咁利害嘅武器㗎,點不知一掟掟咗出嚟,跟住乜嘢都叫做原子,又原子乜,又原子物,咁重有乜奇呢。其實字典裡頭無個奇字嘅,無!實係寫無奇不有咁就啱,係!真係無㗎?無定啦!好叻開車,朋友,我都唔同你講,第時傾啦喂,好行,好行啦。我都費時啋你,一於開車去也!

我坐架勃,車到落海皮,開盡掣,好似搭飛機,嘩,四邊呔向地離,車到鹹淡水之間先至放餌,喂,老友記,我無執輸,誓不豎白旗,話即在我未釣倒魚之前,忽然間個心有的感想咁噃。

人有崇樓,水中魚有石駁停留,石墈能做「竇」,善惡一樣有,與我哋無分別謀食追求,水裡分疆界相爭決鬥,起風波,一朝遭網莫能漏,似人生,忽遭災劫莫可救。

嘻嘻,老友記,人同魚真係有好多度相同㗎,有好多點同埋一樣㗎,乜點樣同埋,乜唔同唧,人就有皇帝同總統呀,佢又有海龍王,大家有貴有賤,有惡有善,而且一樣有運行有運講㗎,嗱,魚唔失暈又點會上釣落網,人唔失運,當然唔會遭逢意外之災啦,呢,話口未完,嗰條魚絲郁郁吓咯,咪嘈,咪嘈,起!

哈哈,重唔釣到你?我估係邊一位喎,原來係兜大石斑。睇你辨頂四四方方,應該當為老襯辦至啱,嘻嘻,老襯啦!怕你生得雍容又華貴,始終難過美人關,怕你?乜你聞倒陣脂粉除,想撲埋嚟咬番啖係嗎?梗係啦,唔係會咁咩。呢次索油索著火水,抵你唔死一身潺。

你一經上釣惡甩身,永不返得海鹹河淡。石班呀石班,睇你荷包大舊,衣服靚溜,面皮夠厚,任釣唔嬲,好,你痞低一痞啦老友,咦,條魚絲又郁郁吓,睇,呢兜梗係白臘仔,白臘仔又名海上亞飛,精到無影,唔怕你精,至怕你唔來,你聞倒陣脂粉除,你重有唔上釣咩?

上!哈哈,係你咯掛。你呢兜白臘仔,駛乜虛偽你人極曳,貪色追美易沉迷,嘻嘻,抵啦!脂粉計,係人都驚畏,唏,好色啦,靚仔更易維擊,成日咁追女人,尤怕尤怕美人威,你都未知死,我睇你來頭幾巴閉,睇你唔肥唔瘦亦唔矮,裝飾多華麗名貴,結果終須氹你入圍。

小亞飛週身白霍,專好踢索,大咬飛擒,隨海咁撲,聞倒脂粉香搏命咁搏,最乞人憎,輕挑浮薄,正式水浸麵包,又淨又靠索,痞低啦亞飛,好,又到第三單,咦,睇吓,咦,郁郁地,嘩嘩,郁噃,條魚絲郁噃,唉地,睇吓呢條係乜嘢,乜嘢得咁厲害,睇吓乜嘢咁巴閉呢喂。

唏,最無用係你,我仲估係乜嘢魚喎。原來係老坑,因為塘虱夠力猛,力猛,力猛,我釣魚唔係慣,真真心淡,肥佬俾你撞慣,老坑,老坑﹐乜你見色重會貪。

終日貪圖啲美色,專吼住啲水磨腳踭。今回你白鱔上沙灘,睇你骨瘦皮黃,竟有猖狂色膽,哈,你週身無肉我都唔嬲你,最嬲你個兩條蝦蛟鬚叻,人就會臨老入花叢啫,點知啲魚都一樣有嘅,呢,而家啲脂粉俾條虱食晒添,好叻,第四單不如用銀紙釣至得,嘩!駛得噃,一放咗落去啫,就撲埋喱搶喎,又唔怪得嘅,邊個見倒銀紙唔擒擒青咁呢?嘩嘩﹐搶得佢地真勢兇,好,睇吓你呢係乜嘢魚至得,咪嘈,咪嘈,起!哦,原來失魂魚。

你為賭博累,發財豈會易,再多啲也未夠你輸,咪話搭車也嫌遲,其實你更蠢過條薯,擔沙塞海佢望你來下注,一經惡,買你唔著鬥氣,乜咁執輸,乜咁執輸,想番攤,嚟就你,點會咁相宜,知錯經遲,怕你唔會種銀樹,身有錢都慢慢去輸,不應去趕肴。

呢條失魂魚,稱之為爛賭鬼可也,如果唔係輸乾輸淨,又點會魂魄都失埋呢,好啦,閒話休提,痞低啦失魂魚,好又黎第五單,睇吓乜嘢嚟至得呢單,又好似郁郁地條魚絲,嗱嗱,條魚絲郁咯噃,又郁又唔郁,乜咁古惑嘅,睇吓你乜嘢至得,起!唏!原來呢條係黃魚﹐係省黃魚呢亭黃魚,就係呢亭魚。

你都可算太猖狂,見錢眼望望,你休想脫離羅網,應知鳥為食亡,莫太狼,莫太狂,想省我牛黃,我實在無乜行,最可笑你如今身羈網。

黃魚者,專省牛王之魚也,省牛黃之人都難逃法網,何況省黃魚之魚,又豈逃得過魚網災,痞底的啦黃魚頭,好,又到第六單咯噃,咦,一放落去即刻有嘅啦喂,起!吓,奇叻,乜點解會釣到兜土鯪,吓,咁奇。

鯪魚你痞慣在淡水,唔通的錢會有除,莫非你偏要鬥累,明死你都跳落去,你你你你你的確戇居,你你你見錢放膽追,你錯吓上釣你一殼眼淚,懺悔已晚你心已盡碎啦呱。

土鯪呀土鯪,你撈過界我都唔話你,不過你唔好見銀紙就擒擒青咁,錢唔係立亂擰得嘅噃,你撞啱塘虱佢會抄你,石班會食你,白臘仔會玩你嚟嘛,你要安份守己得㗎,重有呀,你唔好持住週身骨話會梗死人呀,撞啱的鱷魚頭,連骨都吞埋你呀,痞低先啦土鯪,好,又到第七單。

嘩!搶呀搶呀,原來一講就到,條鱷魚嚟噃,唉也!連銀紙都搶埋,奈佢唔何,唉,得個嬲字,嬲嬲!

無謂嘈,頂唔蒲,拈枝硃砂筆畫度符,唔對路,休氣怒,要搵番匹補數,豈知此處有鱷魚到,明搶暗奪強橫似暴徒,真真可惡,案亦難報,唔通告入龍王嗰度,我今番遇著兇徒。

好,你兜鱷魚恰我咩,善有善報,惡有惡報,梗有兜鯨魚恰番你嘅,唔係啦,呢回第八單,唔做蝕本生意,一於搵定張黃紙,加多度靈符,寫埋虛榮兩個字落去,然後至搵倒食嘅叻,睇嘢啦朋友,呢呢呢條魚絲又郁郁地,上啦上啦上。哦!又係淡水貨,鯉魚嚟,鯉魚呀鯉魚。

知否虛榮兩個字,你嗒落似話梅,鯉魚跳龍門,當然聲價十倍,點知一入咗鹹水海,你落網永不回。好似虎落平陽,重講乜嘢風雲際會。

淡水貨,吓!的淡水貨咁多,無法啦,鯉魚呀鯉魚,你自己當衰,撞埋黎㗎乍,唔係我有意黎釣你,痞低啦,好,又到第九單,咦,乜咁快又有嘅,起!原來充頭貨,石狗公,似班唧,唔係真班嚟嘅。

你個樣生得確係猛,你夠膽充班,唔怕撞板,將你滾湯就最啱,點稱得上菜,惟送尋敍飯,見度靈符唔斬眼,真真可嘆,好充生晒認名銜,神氣活現極威猛,滿口誇張惡習慣。

唔怪得,呢排的行家話,碰埋頭都係釣到啲坭猛同石狗公,原來海底咁多充頭貨嘅,算叻算叻,釣埋呢單都收工吧,咦,乜又有單,嘩,唉吔!呢好重嘅噃,乜嘢嚟呢喂,唉吔!哈哈哈,原來美人魚,女人魚喎,佢人趣緻,又多姿,纖纖柳腰十足似個紅撈時,睇佢唇細細,若施朱,最好兩家共相對住嚟Kiss,睇佢柔情似藕絲,兩家拍拖互相愛慕唔分離。唉吔!呢趟我夠晒艷福咯,我艷遇,艷遇,幸喜無人昅住,佢確靚更俏,我真快樂滿意,絕唔用銀紙,碰著我最易,拍拖去歸大家歡慕何相宜。

哈哈,呢條美人魚巴閉咯,豈不是我踢咗嘢都唔知,丕,夜的啦,樹枝嚟就真,邊度有美人魚,如果係美人魚,變咗佢釣我,唔係我釣佢叻,好,收工,吓!見倒咁多魚,我真係無限感想叻,朋友。

睇吓呢一個魚倉,每條都失魂落魄,響處掙扎揚波,呢兜大石班,雖非海上稱雄,亦都可居奇貨。呢條小亞飛,可笑佢貪圖脂粉,俾我監生捉入網羅。重有呢兜老嘅塘虱,經已骨瘦如柴,重貪乜嘢朱唇,惹火得㗎。失魂魚呀,你真可憐,為著賭得頻頻撲撲,不知人哋撒網張羅。黃魚你呀,你亦得太猖狂,終日持惡行兇,睇唔見無形枷鎖。你條土鯪魚,都為著貪求小利,總唔防到百密有一疏。你呢兜鱷魚頭,終有日碰啱兜鯨魚,我問你點能逃得過。一山還有一山高,大魚週時食細魚,幾曾見海國不揚波。鯉魚你何必跳龍門,知否貪慕虛榮,日後要提防會折墮。講到呢兜石狗公,常好週圍充生晒,未知魚世界,都係搵笨多。忠厚慈祥收善果,奸奸狡狡受折磨,貪字變貧非講錯,千祈咪當別人傻。

Wednesday, September 29, 2010

鄧碧雲、張月兒、陳良忠 - 消魂柳亂點觀音兵


鄧碧雲、張月兒、陳良忠 - 消魂柳亂點觀音兵 (1)


鄧碧雲、張月兒、陳良忠 - 消魂柳亂點觀音兵 (2)

Tuesday, September 28, 2010

葉幼琪 - 多情燕子歸



葉幼琪 - 多情燕子歸 (上)


葉幼琪 - 多情燕子歸 (下)

Tuesday, September 21, 2010

何非凡、鄧碧雲 - 碧海狂僧


何非凡、鄧碧雲 - 碧海狂僧 (Part 1)


何非凡、鄧碧雲 - 碧海狂僧 (Part 2)

Monday, September 20, 2010

林家聲、吳君麗 - 胡不歸之慰妻


林家聲、吳君麗 - 胡不歸之慰妻 (上卷)


林家聲、吳君麗 - 胡不歸之慰妻 (下卷)

Friday, September 17, 2010

林家聲、吳君麗 - 林沖雪夜上梁山


林家聲、吳君麗 - 林沖雪夜上梁山 (1/8)


林家聲、吳君麗 - 林沖雪夜上梁山 (2/8)


林家聲、吳君麗 - 林沖雪夜上梁山 (3/8)


林家聲、吳君麗 - 林沖雪夜上梁山 (4/8)


林家聲、吳君麗 - 林沖雪夜上梁山 (5a/8)


林家聲、吳君麗 - 林沖雪夜上梁山 (5b/8)


林家聲、吳君麗 - 林沖雪夜上梁山 (6/8)


林家聲、吳君麗 - 林沖雪夜上梁山 (7/8)


林家聲、吳君麗 - 林沖雪夜上梁山 (8/8)

Thursday, September 16, 2010

黎文所、鍾麗蓉 - 中咗馬票

黎文所、鍾麗蓉 - 中咗馬票

(男)中咗馬票
(女)中咗馬票
(男)得到彩銀將近百萬
(女)問你點辦
(男)任你點辦
(女)我話用黎食晏
(男)喂,不如遊埠週圍嘆
(女)週圍流浪有乜有行,不如開檔攤,
(男)買賣行我又唔做慣。

(男)中咗馬票
(女)中咗馬票
(女)不知點好真惡辦
(男)問你點辦
(女)任你點辦
(男)種植樹林賣杉
(合)哈哈,哈哈,心願盡還。

(男)中咗馬票
(女)中咗馬票
(男)得到彩銀將近百萬
(女)問你點辦
(男)任你點辦
(女)我話用黎食晏
(男)喂,不如遊埠週圍嘆
(女)週圍流浪有乜有行,不如開檔攤,
(男)買賣行我又唔做慣。

(男)中咗馬票
(女)中咗馬票
(女)不知點好真惡辦
(男)問你點辦
(女)任你點辦
(男)種植樹林賣杉
(合)哈哈,哈哈,心願盡還。

Tuesday, September 14, 2010

紅線女、馬師曾、陳笑風 - 拾玉鐲


紅線女、馬師曾、陳笑風 - 拾玉鐲 (1)


紅線女、馬師曾、陳笑風 - 拾玉鐲 (2)

Monday, September 13, 2010

鄧碧雲 - 賣菜歌


鄧碧雲 - 賣菜歌
作曲:黎錦光 | 填詞:梁山人

芽菜、波菜、椰菜、生菜,好新鮮,
籐菜、通菜、芥菜、韭菜、青椒、蔥、生蒜、
龍牙靚笋尖、青豆遠,逢人鹹菜定要面,
還有炒薑芽,最妙鴨片,蒜頭馳名炆烏鱔。

又平,又廉,扣圓蹄同芋頭一邊,
甘香,新鮮,生馬蹄配水魚杏元,
又煁,又甜,靚豆苖能用來擺宴,
矜貴,可見,鮑翅都要銀芽菜鋪面,真少見,
原來洋芹菜更值錢添,佢能夠可醫治血壓病症添,吃過連隨功可見。

Saturday, September 11, 2010

羅艷卿一人分飾兩角色


羅艷卿一人分飾兩角色
自幼失散的孿生姊妹再次相逢
1961年 電影 『戇姑爺』 片段

Wednesday, September 8, 2010

Tuesday, September 7, 2010

梁醒波、紫羅蓮 - 呆佬拜壽


梁醒波、紫羅蓮 - 呆佬拜壽 洞房 1/2


梁醒波、紫羅蓮 - 呆佬拜壽 洞房 2/2
1956 電影 呆佬拜壽 (片中紫羅蓮唱段,皆由梁碧玉幕後代唱)

Monday, September 6, 2010

紅線女 - 荔枝頌

紅線女 - 荔枝頌 (4:18)
Download 紅線女 - 荔枝頌

賣荔枝,身外是張花紅被,輕紗薄錦玉團兒,
入口甘美,齒頰留香世上稀。

什麼呀,可是弄把戲,請嘗個新,我告訴你。
這是嶺南佳果靚荔枝,果中之王,人皆合意。

說荔枝,一騎紅塵妃子笑,早替荔枝寫頌詞,
東坡被貶嶺南地,日啖荔枝三百余。

好佳果,品種各異,爽口桂味,肥濃糯米糍,
荔枝早熟早上市,三月紅有名氣,
增城挂綠美名馳,黑葉荔枝甜又脆。

鄉村姑娘,帶著一班小伙子,
成群結隊摘果去,珠江兩岸歌聲起,
萬艇千帆,載荔枝。

說荔枝,一果一木來非易,
多少園丁揮汗雨,換來萬紫與千紅。

枝垂錦彈含春意,隔山隔水,心連心,
獻給四海五洲兄弟,萬般情意。
情如荔蜜甜,心比荔枝果核更細致,
荔枝花開香萬里,荔枝,聽我來為荔枝唱頌詞。
賣荔枝!

Sunday, September 5, 2010

游龍戲鳳


尹光、謝曉瑩 - 游龍戲鳳
尹光爆金爛演唱會

生:(白)喂,伙記,(龍飛鳳舞)嚟啦
旦:嚟啦,(序)你乜係處亂咁敲睹。
生:你又為乜冇個在店前?
旦:人家個心柳咁亂,事關我呀哥有病染呀。
生:(白)你阿哥病咩?
旦:(白)係呀
生:唉吔我美酒都未沾唇,你居然先來一碗貓麵。
旦:(白)乜你咁講嘢㗎。
生:(白)唔係點講呀?
旦:你斯文應尊重,點菜至為先。
生:拿,酒菜就慢慢嚟,我想吔個芙蓉麵。
旦:(白)哈,乜你摸手摸腳㗎你,咁㗎?
生:你鬧就隨便鬧,我係要摸你一摸添。
旦:(白)哈,乜你咁㗎,冇解嘅你。
生:(白)係呢阿大姐,傾咗咁耐,都唔知你貴姓方名嘅,係呢你叫做乜嘢名呀?
旦:你問我呀?
生:係咯
旦:我哥叫阿龍,我叫阿鳳,呢做個個都叫我做鳳姐㗎。
生:(白)哦,原來叫鳳姐呀?
旦:(白)嗯
生:(白)個名改得真係甜咯。
生:(白)阿鳳姐
生:真係甜甜甜,知卿你叫鳳姐咩確係甜,可惜個店名欠自然,哈,鳳與龍亂配真係笑話,應該孖我結鳳鸞,今日龍呀龍鳳店,擺下龍呀龍鳳宴,我哋兩家至係龍鳳噃,配得好啱線㗎。
旦:乜你禮教都全唔念,有心點菜就快啲啦,我唔願聽,唔通等到到你埋年呀?
生:任你是龍腸鳳宴,我一概不要,只要鳳姐你將心獻。
旦:喂躝開啦,躝開,乜你個口得咁賤,咁耐唔扯真真討厭囉,你隻採花粉蝶莫再痴纏。
生:我哋奇逢萬里緣牽一線,我做到當今帝主正係龍。
旦:龍你就會飛上天啦。
生:何必疑心瞞騙呀?
旦:你家陣確係確係發緊癲。
生:有憑據,當今寶印在目前。


謝雪心 - 游龍戲鳳
粵曲小曲流行曲演唱會

Saturday, September 4, 2010

任劍輝、白雪仙 - 唐伯虎點秋香



任劍輝、白雪仙 - 唐伯虎點秋香 (廟遇) 1957 電影


任劍輝、白雪仙 - 唐伯虎點秋香 (洞房) 1957 電影

Friday, September 3, 2010

蓋明輝、莊煥仙 - 唐伯虎點秋香


蓋明輝、莊煥仙 - 唐伯虎點秋香

虎:求神,求神,誠心禮佛來求良緣,同小姐你初初見面,名山邂逅奇逢奇緣,書生痴心竭繩牽。
香:勸你說話謹慎,嬌花休想結緣,你嘅態度卑賤,快跪開咪鬼黐身邊啦!
虎:小姐怒容滿面,你嬲得個樣真係甜,我衷心欲求了素願,妳省吓貓面我無怨㗎。
香:登徒可惡神也厭,我擺脫不來比佢壓裙邊。
虎:想親近吓添唧,無討人厭卦,天公也知我為情獨專。
秋:你口咁花,要打你去豐都落油獲裡煎。
唐:我三叩首,望天賜良緣,普救痴心人,赤繩為我牽。
秋:你確討厭,居心不善。
唐:你相貌美麗,我實在愛戀,好心可憐,慰痴心渴念。
秋:你想我可憐,第二世先喇。
唐:我地似雙飛燕,十足並頭蓮。
秋:你呢種衰人,厚面皮又夠冤。
唐:我願化蝴蝶呀,裙邊常共眷。
秋:你快成厲鬼,壽緣實會短。
唐:我為厲鬼,亦向你來纏。
秋:你個衰人死啦去,無謂眼冤。

Saturday, August 28, 2010

鳳閣恩仇未了情


鳳凰女、麥炳榮 - 鳳閣恩仇未了情


(合唱):痴心化夢幻,耳畔聽風雪聲,愁和夢散,情無限,人自痛傷惜別,珠淚向檀郎泛,何日再會呀,永不復還,萬里關山,那孤雁長記在我心間,相思兩地夢更難。
生:(白)異國情鴛驚夢散,空餘一點情淚濕青衫。
生:一葉輕舟去,人隔萬重山,鳥南飛,鳥南返,鳥兒比翼何日再歸還,哀我何孤單。
旦:休涕淚,莫愁煩,人生如朝霧,何處無離散,今宵人惜別,相會夢魂間,我低語慰壇郎,輕拭流淚眼。君莫嗟,君莫嘆,終有日,春風吹渡玉門關。
生:情如海,義如山,孰惜春意早欄柵。虛榮誤我怨青衫。
旦:憐無限,愛無限,願為郎君老朱顏,勸君莫被功名誤,白少年頭莫等閒。
生:柔腸寸斷無由訴,笙歌醉夢閒,流水落花春去也,天上人間。
旦:獨自莫憑欄,無限江山,地北與天南,愛郎情未冷,情未冷。
生:一葉輕舟去,人隔萬重山。
合:鳥南飛,鳥南返,鳥兒比翼何日再歸還,
生:哀我何孤單,何孤單──


粵語長片片段 - 鳳閣恩仇未了情

Friday, August 27, 2010

萬惡淫為首之乞食


尹光 - 萬惡淫為首


唉,冷得我沌沌震,真係震到入心呀,心酸,我重發緊冷,乜好似腳軟難行,乜點解行行,又似覺,好似身不穩,點揾得到各位善長人翁,希望佢做一點好心呀,唉,心傷嗟怨,都不幸逢絕運呀,虧我運蹇時乖,不幸作了盲人,呀人呀人。

(白)好心啦大姑,施捨吓啦大姑。

唉﹗正係人逢絕境都囉,一定多哀感呀,我自己感懷身世,都本想去自輕生呀,一個人生生死死,本係無足恨呀,恨我心頭仍掛,我有位老父未歸臨,我記得佢臨行,佢重對住我,佢重敦敦呀,訓示話攬過床頭,都算父母恩呀,恩恩怨怨,不敢把我娘記恨呀,恨佢恩將仇報。

(轉乙反二王)知我者唯有三呎,嘅靈神。

(流水行雲小曲)正係神鑒諒,我心暗自告稟﹐唉也,天公得許與父相見,我話過今生死無怨憾,自甘委屈,我自甘身作墮落人,呢佢對我雖黑心,知我對佢真恩深,願爹媽兩相印,願爹媽,休怒憤,我就為求庇蔭,我就為求庇蔭,今日誤我呢一世,禍起只為係淫,自嗟暗自還帶恨。

(白)福心啦﹗好心啦﹗可憐吓呢個盲眼乞兒仔啦﹗真饑餓咯﹗又淒涼呀哩﹗阿少奶有乜冷飯菜汁施捨吓哩﹗

(木蘭從軍小曲)邊個好心啦,打救呢個盲人,褔心更善心,救苦又救貧,望求做點好心,打救我貧共困,保佑你哋生意滔滔,一本賺萬金,保佑你長年富貴都越捨還重有,我自嘆今生不幸,真感激各位大貴人。


鄧志駒 - 萬惡淫為首之乞食

Tuesday, August 24, 2010

任劍輝 - 有情活把鴛鴦葬

任劍輝 - 有情活把鴛鴦葬 (9:44)
Download 任劍輝 - 有情活把鴛鴦葬

自怨還自慨,我被愛所害,癡心空惹孽與災,我今喪泉台,被人奪愛,自覺蠢才。

暗恨那粉黛,一朝反悔姻緣幻變不該,恩與義盡變改,怨她出嫁馬文才,愛花恨錯栽,惡果帶恨來。

墓門今始為嬌開,孤魂不滅念英台,再續孽緣生死戀,劫後情花著意栽。

英台,英台,郎恨你將我害,不該,嬌既移情你莫再來,你出嫁文才又再來呀,真攻心計祭墳來,唉,傷心山伯沉淪恨海,病死乃被情人害,心怨粉黛,不再忍耐,我悲悲憤憤我怨句英台。

我在黃土悲哀,你就情花得栽,你莫說情共愛,我悲哀,你心開,終身抱怨抱怨英台。

尤幸死後結連枝,生前難比翅,呢個癡情山伯,與妹你步到蓬萊。往日香夢未能圓,此後鴛衾同綣戀,不枉我十送長亭,不枉我同窗三載。記得款乃一聲聲,我前情回首認,你笑問鴛鴦蝴蝶,恨我未曉把花栽。

太息山伯我未試情共愛,因為人去心不在,嗰陣你嬲得暗鼓腮,嬲得一聲也不開,哦,不知嬌佢原來恨我呆。

呆癡漢,佢重話大好鮮花無蝶採,我為惜別恨離愁,未解佢之音絃外。佢重話有妹深閨仍待字,分明是點醒我癡呆,一個是情竇初開,一個是愚庸,未知卿愛。

惜別兩依依,一聲人去也,你仲約我訪粧台。三日嘆來遲,點知大錯竟鑄成,我慘被個文才奪愛。本屬相見歡,變作重逢恨,樓台泣別,咁就永離開,歸去病單思,唉藥石難求,我就長埋孽海。鳳蕭吹破玉郎心,妹你有期嫁杏,就是我命喪泉台。

唉,郎殉愛,難得妹殉情,活葬鴛鴦埋塚內。做一對鬼夫妻,離俗世,癡情山伯永伴祝英台。

Thursday, August 19, 2010

Monday, August 16, 2010

Sunday, August 15, 2010

任劍輝、白雪仙 - 帝女花 (全劇)


任劍輝、白雪仙 - 帝女花 (全劇)
舞台原著作曲:唐滌生

劇情簡介:
故事講述明末思宗長女長平公主年方十五,因奉帝命選婿,下嫁太仆之子周世顯,無奈闖王李自成攻入京城,皇城遂破,崇禎手刃眾皇女后自縊。長平公主未至氣絕,被周鐘救返藏於家中。後來清軍滅了闖軍,於北京立國。長平公主知悉周鐘欲向清朝投降,幸得周鐘之女瑞蘭及老尼姑之助,冒替已故女尼慧清,避居庵中。世顯偶至,遇上扮作女尼的長平公主,大為驚愕,幾番試探下,長平重認世顯。然而此事為清帝知悉,勒令周鐘威迫利誘他們一同返宮。夫妻二人為求清帝善葬崇禎,釋放皇弟,遂佯裝返宮,並在干清宮前連理樹下交拜,然後雙雙自殺殉國。(劇情轉自:一聽音樂)

Saturday, August 14, 2010

任劍輝、白雪仙 - 帝女花之庵遇


任劍輝、白雪仙 - 帝女花之庵遇


長平(唱)雪中燕都已是埋名和換姓,悲山庵重換了仙姑我受刑。
世顯(白)哎呀,點解呢個道姑甘似長平公主呢嚇?莫不是公主她幽魂現眼?唔會既,就算係公主她幽魂現眼,都唔會係道姑打扮莫不是公主她假託夭亡避世,尚在人間?呀,我記得了!我記得公主夭亡之日,便是我殉愛之時,周家瑞蘭曾經有一句相關說話。她話有緣生死能相會,無情對面不相逢。呀!莫不是有蹊蹺在內?唔得!等我叩門一問至得!呀,呢處係青蓮界庵堂地,我要稍存禮貌,都未敢造次。師父,開門!點解她閉門不納?事更可疑,待我沖門而進!
長平(白)請問呢位施主沖門,是借茶還是拜神?
世顯(白)師父,我一不是借茶,二不是拜佛,我有句說話,想求師父你點化,你何以閉門不納?
長平(白)庵內無人,主持未返。俗世男女都尚且授受不親,又何況佛門清淨地?
世顯(白)哦,師父有禮!
長平(白)施主有禮。
世顯(白)師父,你係一個出家人,容我問一句塵俗話,所謂劫火餘生,恍同隔世,雖則難記興亡事,花月總留痕。我我我同亞道姑好似曾相識甘望你把前塵細認!
長平(白)施主,想貧道半世清修都未經劫火,世外人十年來都只知敲經念佛,幾曾沾染過俗世風情?
世顯(白)你係出家人講清修,我地俗世人講俗話。所以俗語都有話:山居方一日,世上已千年。你所謂十載敲經,莫不是比如一年念佛咋掛?照我睇亞道姑你,你守戒清修,最多不過係一年光景!
長平(白)哎呀,施主!照我睇你係一個讀書人,似乎滴說話唔應該講得甘輕薄吧!貧道入庵十年尚有主持可證。呀,須知不是可憐人都不入清規地,既入清規地,出語寧有不誠?
世顯(白)唉,師父,我不是傷心人,都不作傷心語,既是傷心人,才有錯把曇花當作宮花認!
長平(白)哦,施主,原來你唔係一個輕薄兒,卻是一個滄桑客。好啦,等我番入去代你燒多柱香,望觀音大士她慈航普渡,保佑你福壽康寧!
世顯(白)甘多謝啦呀,師父,我應該長拜佛門慈悲既,一問道姑你貴姓啊?
長平(白)呃貧道俗身姓沈,法號慧清啊。
世顯(白)哦,原來你叫做慧清啊! (唱)飄渺間往事如夢情難認,百劫重逢緣何埋舊姓?夫妻斷了情。唉,鴛鴦已定;唉,烽煙已靖。我偷偷相試她未吐真情令我驚!
長平(唱)唉,夭折紅顏命!我願棄凡塵伴紅魚和青磬,敲經斷俗世情。雖則烽煙已靖,須知罡風也勁。守身應要避世休談愛戀經。
世顯(唱)論理,她應該要把夫婿認。複合了偷偷暗中喚句卿卿 (白)徽妮公主
長平(白)哎呀,施主你叫喚何人啊?
世顯(白)我叫喚公主。
長平(白)公主係施主何人?
世顯(白)公主她是我妻房!
長平(白)嚇!施主你叫喚妻房,應該在家中叫、房中叫,何解會叫到佛門清淨地既呢? (唱)俗世塵緣事我唔願聽,你莫尋偶清規地。將觀音兩番誤作湘卿。你似瘋癲,我不禁失聲暗中念句經。我今已將剃度半生夢已醒,勸君休錯認。我才十歲咋,經棲身歸依佛法一心拜神靈。
世顯(白)你甘忍心唔肯認我?試問誰無骨肉之親,誰無父女之情。等我講下先帝崇禎既慘事,若果她喊親呢,不問而知梗係公主了!好,等我試下你至得!(唱)複複向前朝認,歎崇禎巢破巢破家傾,你可有為他沉痛沉痛敲經。靈台裏,歎孤清,月照泉台靜,一對蠟燭也無人奉敬。(白)哎呀,師父!你喊啊?呀,唔通你就係公主?!
長平(白)施主,你錯咯,皇帝係為我地而死既,試問我地又點可以唔喊呢? (唱)我哭故國凋零,問誰個能忘他自縊在煤閣,謝民愛敢犧牲性命!感先帝哭絕了聲。
世顯(唱)深宮裏有朵帝女花,她既慘處你可再願細聽?
長平(唱)帝女花已遭劫難我不願再聽,怕荒山冷靜。誰願與君孤單相對犯了清規玷辱了名?
長平(白)施主,我都知道你係一個傷心人,但可惜呢處唔係傷心地,恕貧道不能奉陪,我告退了,阿彌陀佛!
世顯(白)哎呀,師父你唔好行住,我想求下你—— (唱)帶我去燒香,懺下舊情。
長平(唱)仙庵寶殿多清淨!不要凡人妄敲經。莫忘形,勸君勸君休再莫染情狂病,更未許再留停!
世顯(白)師父,要你帶我入去燒柱香你都話唔肯,你唔帶我我自己去!

Friday, August 13, 2010

任劍輝、白雪仙 - 帝女花之相認


任劍輝、白雪仙 - 帝女花之相認

(秦道姑食住卸上見狀奇介問白)慧清,做乜嘢事呀。
(長平愕然不知所答介)(世顯口古)師太,我聞得維摩庵菩薩好靈嘅,我想入去拜嚇觀音,點知呢位師傅唔准我把清香奉敬。
(秦道姑口古)慧清,乜你咐架,唉,所謂亂世庵堂,幾難得有位施主到嚟簽助嚇,若果再冇人嚟,我地去邊處揾燈油火蠟敬奉神靈。
(長平口古)師太,你唔好聽拒講呀,我正話開門嘅時候,呢位施主但聲明一不是藉茶,二不是拜佛,咐既然唔借茶拜佛,我地點可以將人地嘅香油簽領。
(秦道姑口古)慧清,開講都有話入屋叫人,入廟拜神,人地唔拜神入廟嚟做乜嘢呀,你要招呼人地入去,人地唔多唔少都有的簽助嚇嘅,唔怕善財難捨,只怕菩薩唔靈。
(白)施主,我重要去第二處打掃,恕我不能奉陪叻,慧清你帶施主人去啦。
(長平白)如此說,施主請。 (介)
(世顯作得意狀白)敬煩引路。 (長平與道姑先人庵門介)
世顯(白)師傅,所謂荒涼歲月,花無雨露不生,難怪佢落紅片片,唉,落紅尚有追隨流水之心,世人豈無鏡合釵圓之想呢? 師傅,師傅,可見花尚解情,何況人非草木呢?
長平(白)施主,清修地並非花月場,出家人不解花花月月,施主請行。......施主請上香啦。
(張千上見道姑認得是宮主愕然大驚,連隨閃埋梅樹後窺看介白)哦,原來宮主未死架,等我番去話畀老爺聽至得叻。 (急下介)
世顯(白)師父,我甚少[雖然未]入過庵堂,但係我一望而知呢座梗係觀音大士了!點解觀音大士蓮座之下,有一男一女呢?
長平(白)呃,一個係金童,一個係玉女。
世顯(白)哦,一個係金童,一個係玉女師父,咁係唔係自有觀音以來,就有金童玉女永不分離?
長平(白)係。
世顯(白)哦,師父,咁點解一自皇城劫後,只剩番一個金童,唔見咗個玉女呢?
長平(白)出家人不明塵世事,施主請上香。

Thursday, August 12, 2010

任劍輝、白雪仙 - 帝女花之香夭


任劍輝、白雪仙 - 帝女花之香夭
1972年於六一八雨災籌款之夜的演出


詩白:(女)倚殿陰森奇樹雙 (男)明珠萬顆映花黃
(女)如此斷腸花燭夜 (男)不須侍女伴身旁 (下去)

(女)落花滿天蔽月光,借一杯附薦鳳台上,
帝女花帶淚上香,願喪生回謝爹娘,
偷偷看,偷偷望,佢帶淚帶淚暗悲傷,
我半帶驚惶,怕駙馬惜鸞鳳配,不甘殉愛伴我臨泉壤。

(男)寸心盼望能同合葬,鴛鴦侶相偎傍,
泉台上再設新房,地府陰司裡再覓那平陽門巷。

(女)唉,惜花者甘殉葬,花燭夜,難為駙馬飲砒霜。

(男)江山悲災劫,感先帝恩千丈,與妻雙雙叩問帝安。

(女)唉,盼得花燭共諧白髮,誰個願看花燭翻血浪,
唉,我誤君,累你,同埋蒘網,好應盡禮揖花燭深深拜,
再合巹交杯墓穴作新房,待千秋歌讚註駙馬在靈牌上。

(男)將柳蔭當做芙蓉帳,明朝駙馬看新娘,夜半挑燈有心作窺妝。

(女)地老天荒情鳳永,配痴凰,願與夫婿共拜相交杯舉案。

(男)遞過金杯慢咽輕嘗,將砒霜帶淚放落葡萄上。

(女)合歡與君醉夢鄉 (男)碰杯夢到夜台上
(女)百花冠替代殮裝 (男)駙馬珈墳墓收藏
(女)相擁抱 (男)相偎傍 (合)雙枝有樹透露帝女香
(男)帝女花 (女)長伴有心郎
(合)夫妻死去樹也同模樣


任劍輝、白雪仙 - 帝女花之香夭及升天

Wednesday, August 11, 2010

帝女花簡介

周世顯:明朝太仆之子,長平公主的駙馬
長平公主:崇禎皇帝的長女,周世顯的夫人
周鐘:明朝主要官員
周瑞蘭:周鐘的女兒,簡稱瑞蘭
崇禎:明朝最后一名君主
清帝:清朝入主中原后的君主
周寶倫:周鐘的兒子
昭仁公主:崇禎皇帝的女兒,長平公主的皇妹
周后:崇禎皇帝的皇后
袁妃:崇禎皇帝的愛妃
銀鈴:長平公主的近身待婢
維摩庵住持:也稱為老道姑

故事簡介

崇禎末年,崇禎帝由於疼愛長女長平公主,屢次委任禮部選婿,俱為長平所拒絕。這晚在昭仁公主的陪同下,在乾清宮前連理樹下選駙馬,接見了由周鐘引薦的太仆之子周世顯,折服於他才勇雙全,二人在含樟樹下題詩以表心跡及訂下百年之約。

崇禎皇帝聽聞周世顯中選省屏後,召他上殿面聖,得知他習文,雖然深為亂世文章難保江山而惋惜,但仍立即賜予駙馬銜。在賜封之中,突然戰鼓大作,當時闖軍李自成成功攻入北京宮殿,明朝朝廷危在旦夕﹔崇禎見大勢已去,賜周后及袁妃三尺紅羅之後,不顧周世顯的哀求,命令長平上殿殉國。骨肉之情難分難離﹔倉促之間,崇禎誤殺昭仁公主,而長平公主則中劍倒地,被周鐘發現,未死,因而把她抱回家中去了。而崇禎本人在手刃眾皇女後,自縊於煤山。

改朝換代之後,長平公主就在周鐘的家中匿藏及養傷,得到周鐘女兒瑞蘭的悉心照顧,然而周鐘的兒子寶倫是一個名利之人,打算出賣長平公主以求榮祿。長平公主在得知學的陰謀之後萬念俱灰,但幸好得到瑞蘭移花接木,命維摩庵住持以意外身亡的道姑慧清和長平公主交換身份,長平公主因而可以逃離險境。周鐘和寶倫以為長平公主已經去世,但適逢周世顯尋至周府乞求長平公主的屍首,因而飽受周氏父子的奚落﹔而瑞蘭則借故避居於紫玉山房照應長平公主。

化身慧清的長平公主上山拾柴時,在庵外巧遇周世顯,而周世顯雖然百試是否長平公主本人,但她一一不肯相認。在庵中觀音像之下,周世顯繼續盡力逼問,長平公主不堪他苦心一片,終於向他表露身份。二人相約當晚於紫玉山房重聚,誰不知二人的行蹤被周鐘的手下識破了,並呈報了周鐘知道。周鐘得知之後,立即趕到維摩庵,要求周世顯接長平公主回到皇宮中面聖。

瑞蘭在紫玉山房點上龍鳳燭,以示慶賀周世顯及長平公主重聚之喜。周世顯攜同周鐘父子及清室的宮女到紫玉山房以作準備迎接公主。長平公主在接見周世顯時,以為他也是賣國求榮,因而大受刺激,拈銀簪威脅刺目。在經過周世顯的解釋後,長平公主知道及明白他深思過,並以公主回朝作為厚葬崇禎及救出太子作交換條件﹔長平公主隨即寫表,二人並誓言在成事之後就會共赴黃泉。

周世顯面見清帝時,為公主回朝展開談判,而清帝為求安撫前朝(明朝)人心,於是一一答應,包括安葬前朝先帝及前朝太子等等要求。清帝答應要求後,長平公主上殿面見清帝,表示接納及感謝清帝的安排,與周世顯完婚。在洞房花燭之夜,長平公主和周世顯在當初選婿及定情時的含樟樹下完婚,其後二人仰毒,雙雙自殺殉國。

轉貼至:維基百科

Tuesday, August 3, 2010

徐柳仙 - 再折長亭柳

徐柳仙 - 再折長亭柳 01 (9:36)
Download 徐柳仙 - 再折長亭柳 01

徐柳仙 - 再折長亭柳 02 (9:27)
Download 徐柳仙 - 再折長亭柳 02

【長句滾花】別離人對奈何天,離堪怨別堪憐,離心牽柳線,別淚灑花前,甫相逢,才見面,唉不久又東去伯勞西飛燕。忽離忽別負華年,愁無恨呀恨無邊,慣說別離言,不曾償素願。春心死咯化杜鵑,今復長亭折柳,別矣嬋娟。唉我福薄緣慳,失此如花眷。

【禿頭柳底鶯】淚潸然,兩番賦離鸞,兩番賦離鸞,何日再團圓,心有萬言待嬌訴,腸欲斷,悵望花前,如今也未見。

【賽龍奪錦中段】未見,未見,未見伊人未見,怨天,怨天,怨天空自怨天,望眼將穿,望眼將穿。

【二王】衷情待訴,哎呀呀我心呀似梅酸,紅豆相思,深感碧玉多情,不幸分衿,任使我夢隨雁斷,漬雨梨花,宛似替人垂淚,愁牽草木,況有一樹吟蟬。別離間,空感嘆,磨劫重重,虧煞我情深。【乙反 】一片,痛分飛,離愁叠叠,將使我夢倒魂顛,各一方,人萬里,未必明春呀得見歸來紫燕。

【昭君怨中段】知心眷,痴心念,自怨無計補情天,情天情天,三生證,三生願,莫棄絕世此嬋娟,嬋娟嬋娟,依稀記起記起前緣,真令我愁復怨,凄復怨。

【乙反龍舟】往日香閨同繾綣,看妹你金針紅線繡出鳳諧鸞。偶或逐笑拋花欄杆走遍,嬌嗔常下拷郎鞭,觸犯妝前妹呀你就啼婉轉,竟流珠淚呀滴我心弦,且莫說賞心樂事誰家院,玉樓人醉五更天,此景此情遂得我平生愿,遂得我平生願。

【二王】點想到蟾宮有訊,終使月缺不團圓。我正幻想沉沉,嬌你廬山忽現。

【秋江別中板】妹妹呀我寸心百轉,妹妹呀我寸心百轉,重到此間訴離言,重到此間訴離言。

【二王】知否我愁心欲碎咯又望眼將穿,妹呀乜你憔悴含愁,剩得銀腮素面,且問你幾時拋卻,拋卻金粉與共湘鉛?消瘦難看,莫非你為別離偷怨?可惜你朱顏都非舊咯,忍不住涕淚涓涓。

【跳花鼓】你你你不須因郎多凄怨,若果重逢有幸續前緣,我我我今生不如雙棲愿,只有殉情一死落黃泉,我兩個痴心依然牽一線,天涯同眷念,天涯同眷念。

【二王】正系前途無盡咯,不知送你道路幾千,只有揮手揚巾,喚妹。

【二王滾花】聲聲腸斷。今後我醉長安,眠市上,花盡買酒錢。

Monday, August 2, 2010

張月兒、周坤玲 - 胡不歸之迫媳離婚


張月兒、周坤玲 - 《胡不歸》之《迫媳離婚》
張月兒飾演惡毒家姑文方氏; 周坤玲飾演趙顰娘; 陳露華飾演妹仔春桃。


(旦唱二王) 做乜佢忽然一旦,會發出此言。(轉中板) 之佢係我既家姑,縱使無理強橫,我亦都要強顏黎應變。況且我郎君為國馳驅,遠在沙場黎應戰。惟有係逆來順受,怕乜委曲求全。我稟告安人,(滾花) 因為我抱病懨懨,所以愁眉不展。
(丑白) 哦重攪到學人病添呀,(唱) 咁你唔好快的去死,點解你病得咁纏綿。
(旦白) 唉你估我想病既咩,個天公唔憐至嗎。
(丑白) 哎也,(唱昭君怨中板) 無人得你咁賤,(重句) 你休怨地怨天,你呀個病源難望轉,都有兩 年。
(旦唱) 唉真真令我長抱怨,心肝斷,腸又斷,真正心酸,(重句) 天呀念我,我不願生 存,(重句) 償我素來意願,以免我愁怨嗟怨。(白) 唉我都想死咯。
(丑白) 哎也而家揾死黎撻我囉噃,係唔係呀。
(旦白) 唔係亞安人,不過我見醫左咁耐都唔好啫。
(丑白) 係呢你睇佢個衰樣呀,(唱龍舟) 你重響處駁口駁舌,都可為膽大包天。你目無尊長,你婦道不存。我要你立刻共我個仔離婚,佢亦也會甘顧。
(旦唱) 哎也我有何失德,乜講得咁牙煙,況且我夫未有 一言,還望婆婆垂念。
(丑唱) 哈哈哈呢件事我大條道理,你唔好話你家婆專權。(三腳凳) 你怨一句天公,生得條命賤。週孭住個藥煲 ﹑足足病左有一年。(滾花) 唉我個仔數代單傳,我驚佢把你個病傳染。
(旦唱) 唉我槌心泣血,慘切陳言, (反線中板) 我命不辰。
(丑白) 睇吓你個衰樣呀。
(旦唱) 慘病遭逢,更苦親恩折斷。
(丑白) 咁至衰呀你。
(旦唱) 論丈夫。
(丑白) 點呀。
(旦唱) 誰不愛,我亦何獨不然。
(丑白) 咁就要離婚嗱嗎。
(旦唱) 若謂病有防。
(丑白) 當然咯噃。
(旦唱) 儘可分居,但必要弄成婚變。
(丑白) 分居就得架嗱。
(旦唱) 唉我望開恩。
(丑白) 我唔做好心架。
(旦唱) 憐我苦命,免使我恨海難填。(正線滾花) 望把媳婦顏面保全,尤勝我再生恩典。
(丑白) 嘩,就只顧你既顏面,就唔駛顧我個仔條命係喇。
(旦唱) 請你收回成命,免使我抱恨年年。
(丑白) 唉也,(唱連環西皮) 真真陰險,(重句) 你快的扯人勿遲延,你唔知愛面,(白) 唔通要揾掘頭掃把你至扯咩。
(旦唱) 哎也也,咁就要打散姻緣。
(丑白) 喂你而家想點架你,
(旦白) 係咯安人,你唔駛咁怒氣既,(二王) 不過我想求你寬限一時,待等與郎一面。(收掘) (丑白) 幾時至等得佢番黎呀。
(旦唱) 唉雖然佢係願同我離婚啫,但係我都想表明我自己唔願架。
(丑唱長句滾花) 哎也咪講你唔願,我都唔願,分妻唔同第二件,鬼想拆散你姻緣,不過有你係處就攪唔掂,你話點能阻止,我個仔對你痴纏。為國家起見,為祖宗起見,家嫂要千祈聽我勸,咁樣亞萍個條命仔至得保存,你重要立實心腸就唔好轉。咁就賢德個個賢,你只管想透想通喇,睇吓駁唔駁得我掂。(白)你駁掂我喇。(旦唱) 我悲難言,憤難言,更難希望佢哀憐,地慘天愁腸寸斷,聲嘶淚盡也徒然,猶幸夫郎人去遠,未睹傷心在目前。
(丑白) 你睇吓佢個衰樣呀。
(旦唱) 無可怨,無可怨,仳離慘禍終難免,愛夫無計更雙全,幸福犧牲何足念,含冤惟待訴黃泉。
(丑白) 點呀。
(旦唱) 唉惟有依照婆婆,任從你主張處斷。
(丑白) 哎也太公婆開眼咯,(白攬) 我謝蒼天,我就謝祖先。我難得亞家嫂你心甘願。更免亞萍再找尋。哎也你有咁遠時就去咁遠。我送你一百兩黃金,我更送埋亞春桃你差遣。你病好不妨話俾過我知 ,哎也免我時掛念呀,免我時掛念呀。
(旦白欖) 事前無奈何,你話點就點。惟求他日我夫凱旋歸,莫言媳鋪有不善。新婦再續絃,務宜求淑眷。淑婦甘食貧,百兩黃金我不言羨。可誓對蒼天,死生節不變。願乞得春桃,相伴為證見。殘生再相逢,斷不敢有怨。(重句)
(丑白) 噓﹗(唱滾花) 實在我都好唔拾得你架,不過不得已而然。大家分手都要分得喜喜歡歡,你唔好苦口苦面。
(旦唱) 傷心何處,是我家園。

Saturday, July 31, 2010

小明星 - 風流夢

小明星 - 風流夢 01 (6:14)
Download 小明星 - 風流夢 01

小明星 - 風流夢 02 (6:48)
Download 小明星 - 風流夢 02

(走馬) 半生佻達任情種,情意加濃,早沾愛戀風,愛思滿胸,手拈花,陶情夢正濃,借詩喻愛衷,讚花命意工,晝夕與共,愛心加重,晝夕與共,尋美夢,興濃,美人兒自憐顧弄,貌出眾,若芙蓉,艷態人栽種,用情培壅,若游龍,善舞,步兒縱,秋波送,若梧桐,靜態滴翠又玲瓏,並坐花間閑抱,玉箏細弄,情引動,花叢花叢,尋樂談笑共,並坐情動,共赴巫夢,愛情動牽愛情夢,絮花飄滿頭時,夢正濃。

(詩白) 不誇萬戶公侯貴,只羨鴛鴦戲綠叢。(二王慢板) 愛陽春,迷煙景。

秉燭夜遊,不讓那古人,情縱,流連花國,飛殤醉月,倚翠,偎紅,彈弦襯歌對玉容,阿嬌夜夜把瑤琴弄,叮噹,歌意義遠重,聽玲瓏,情懷透流酥胸,眉目輕送,近秦淮,多佳麗。

掠過輕舟,留得脂香,微送,你重牽衣問,問郎情義,是否似畫舫,行蹤 (雙飛蝴蝶) 我話郎心似孤松,願依嬌花永效忠,佢話奴身似飛蓬未悉君許寄蹤,婉聲低勸莫悲痛,愛心一縷為花種,借花風,替嬌花保重,愛心一控,莫教花飛遠送。(重句) 誰知花變衷 (土工慢板) 此後過殘春,驚寒食,不借花玲,一任花飛,過隴。

孤燈寒,燕蹤杳,玉樓人去,深院更空,(中板) 日明中,獨抱琵琶,孤清,吟弄,花陰下,憑誰唱和,唯與鶯燕,競吟風,我最傷心,深恨月老無情,誤了人間,情種,綠蔭內,杜鵑啼血,宛似悼翠,悲紅,恨世間,閨女半無情,何況是青樓,遺種,又何怪,一枝紅杏,偷過,牆東,十載風流 (滾花) 竟成幻夢,但是桃花依舊笑春風。


Friday, July 30, 2010

小明星 - 夜半歌聲

小明星 - 夜半歌聲 01 (6:31)
Download 小明星 - 夜半歌聲 01

小明星 - 夜半歌聲 02 (6:20)
Download 小明星 - 夜半歌聲 02

(平湖秋月) 蟾華到中秋份外明,柳絲向榮,又宜賦詠,牽惹恨情,離情緒長懷記,晚晚如醉擾心性,愛佢閑靜,皎皎明月撩我心靈,眼淚盈盈,又暗嘆愛戀難比月一般永。(時日) 早知如此相思苦唉我深悔當年太任情咯。

(士工慢版) 愛風流,貪花月,醉擁美人,我但願長眠不醒,飛羽觴,傳酒令,玉人醉後,若不勝情,俏魂嬌,好似臨風柳,搖曳生姿,咁重飄搖不定。 那秋波
,撩眼底回眸一笑個種媚態畢呈

(二王) 秋水為神
正合詩人吟詠芙蓉如面佢重默默含情玉手一雙軟若柔柴咁清淨朱唇半點宛似嚼破紅櫻有陣詩酒唱酬高吟俯詠。

有陣良辰美景
我地對月談情(剪剪花) 兩下情緣訂叫我毋負卿誓如天永我倆賢又敬一心愛嬌卿愛嬌卿愛嬌卿願同枯榮

(二王) 最銷魂
佢眉鎖春山更重工愁善病梨渦一笑個一種媚態盈盈古話好月常圓天人共永怎料人生聚散竟似逐水青萍(收掘)。

(龍舟) 今夜天邊月
好似格外淒清莫非月華你有意為我表同情舊夢不堪回首認恐怕此生難望。 與佢共指雙星我搔首問天天你又莫應怎令飄零孤客午夜傷情

(中板) 我恨一聲
月下老人不把我嘅良緣早訂。 莫非是你存心播弄使我空嘆伶仃我問蒼天呢對苦命鴛鴦是否前生註定早能知道情緣係咁短我悔恨太過痴情只恐防我潦倒頻年未得已佢把佳期重訂又恐怕他年相會佢未必尚屬雲

(滾花) 想到此情
悲懷莫馨又歎浮生若夢終日困在愁城。